Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işler boýunça wise-prezidenti hanym Oguljahan Atabaýewa we Azerbaýjan Respublikasynyň Geýdar Aliýew adyndaky gaznasynyň wise-prezidenti hanym Leýla Aliýewa Görogly adyndaky döwlet atçylyk sirkine geldiler. Bu ýerde hormatly myhmanlar üçin "Galkynyş" milli at üstündäki oýunlar toparynyň çykyşlary ýaýbaňlandyryldy. Türkmen ahalteke bedewleri we jigitleriň ussatlygy Azerbaýjanly myhmanlarda uly täsir galdyrdy.