“Parahatçylyk we ynanyşmak ýyly: çagalaryň hatyrasyna halkara işiniň ösüşi” atly halkara maslahata bagyşlanan dabaraly çäreler Arkadag şäheriniň Görogly adyndaky döwlet atçylyk sirkinde badalga aldy. Dabara “Akja kepderi” atly aýdym-sazly kompozisiýa bilen açyldy.
Soňra Gurbanguly Berdimuhamedow adyndaky çagalar sagaldyş-dikeldiş merkezinde bejergi alýan çagalar at üstünde sirk meýdançasyna çykdylar. Olar merkezde tebigy dikeldiş bejergisi bolan ippoterapiýa bejergisini alýarlar.
Soňra bu ýerde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň howandarlyk etmeginde «Halkara parahatçylyk we ynanyşmak ýyly: çagalaryň gözýetimi, dünýägaraýşy» atly geçirilen bäsleşigiň ýeňijilerini sylaglamak dabarasy boldy.